八月踊り唄HEADLINE
あまだ下りゃ
歌詞 実際に歌われているのは、下記から抜粋されています。
一．あまだ下(さが)りゃ魚頭(いぅんかまち) 家壁(やんかぶぃ)下(さが)りゃトォンティブリ
此処(かん)もれもれ年寄達(うっちゅんきゃ) 炊(た)ちゅてぃ召(み)しょろ
二．あまだなん魚(いぅう)さがてぃ 猫(みゃ)ぬ目(むぃ)ぬだるさ
美人妻(きゅらとぅじ)ば貰(むろ)てぃ 吾(わぁ)目(むぃ)ぬだるさ
三．恋(かな)しゃすろすりば 其女(うら)や愛人(かな)もちゅり
私(わ)んな外廻(すとぅむぃぐてぃ)て しのぎとりゆすぃ
四．節(みち)と柴(しば)さしや 七日離(ひだ)みゆり
可哀想(きもちゃぐぇ)ぬ加那や 何う離(ひだ)みゆり
五．柴(しば)木(くぃ)差(さ)ちうかば しばしばとうもれ
又(また)木(ぐぃ)差(さ)ちうかば 又(また)むうもれ
六．今日迄(かなぐぇ)待(ま)ちかねて 柴枯(しばが)れどしちゃる
今日(けふ)こそ待ち受(う)けぃて にゃ落(うてぃ)ちちゃる
七．此間(くぅねだ)此(く)の頃や 夢(いむぃ)しのぎあたむ
可哀想(きむちゃぐぇ)ぬ 愛人(かな)ば拝(をが)もち思(うも)て
八．夢(いむぃ)見らばよ加那 言沙汰(いさた)しゅると思(うむぇ)
胸(むねぃ)ぬ騒(しゅ)たみかば 泣(な)ちゅんち思(うむぇ)
九．恋(かな)しゃしゅてぃ夢(いむぃ)や 夢(いむぃ)見ちむ恋(かな)しゃ
にくさしゅてぃ夢(いむぃ)や 夢(いむぃ)むにくさ
十．昼(ひぃる)や思出(うむぇぢゃ)しゅり 夜(ゆる)や夢(いむぃ)見ゆる
愛人が事思(うも)て しのぎとゆり
十一．昔(けさ)住(す)だる加那ぬ 後(うしろ)影(かげぃ)みりば
今(なま)住(す)みゆる加那と 住みぶしゃどやある
十二．見(み)りば見りぶしゃぬ 住(す)みば住みぶしゃぬ
見りぶしゃぬ目(むぃ)まゆ 見りぶしゃどやゆる
十三．流(なが)れ走(は)り川(こ)に 花流(なが)ち見(み)ちゃむぃ
加那(かな)と生き別れ ありが如(ぐとぅ)に
十四．流(なが)れ走(は)り川(こ)に 石(いし)浮(うくぃ)て見(み)ちゃむぃ
加那(かな)や吾(わ)が心(こほろ) さぐて見ちゃむぃ