八月踊り唄HEADLINE
おぼこれ
歌詞 実際に歌われているのは、下記から抜粋されています。
一．うほこれどやゆる 果報(かほ)しゃれどやゆり
来年ぬ稲加那志(いねぃかなし) あぶし枕
二．うぼこれどやゆる 果報(かほ)しゃれどやゆり
今年中や一蔵(ちゅくら) 来年(やにぇ)や二蔵(たこら)
三．今日(きゅう)やくぅま集(ゆりゃ)てぃ 色々ぬ遊(あすぃ)び
明日(あちゃ)や島帰(むど)て 言沙汰話(いさたばな)し
四．面影(うもかぐぇ)と縁と 連れて行かれゆむぃ
面影や残(ぬほ)ち 縁ば連れろ
五．面影ぬ節や 立つな愛人(かな)と思(うむぇ)な
立ち勝り勝り 塩小屋(しゅや)ぬ煙(けぃぶ)し
六．夜(ゆ)さり夜(ゆ)やまこま 夜明ぬ遊び
明日や振返(ふりやかれ)ぬ 吾事(わぁくぅとぅ)想(うむぇ)よ
七．振返(ふりやかれ)ぬ袖(そで)に 匂(にお)い残置(ぬこちう)かば
体臭(みかだ)する時や 私事(わぁくぅとぅ)想(うむぇ)よ
八．体臭(みかだ)する時や 私事(わぁくぅとぅ)想(うむぇ)よ
別れて行きば何(ぬ)ば 形見置(かたむぃう)きゅむぃ
九．別れてや行きゅり 何ば形見置(かたむぃう)きゅむぃ
汗肌手拭(あすぃはだてぬぐぃ) うりどぅ形見
十．形見こそくれれ 入墨(はじくぃ)すぃむぃてぃくれぃれぃ
うりやあの世(ぐしょ)別(かれ)ぬ 形見あらむぃ
十一．振返(ふりやかれ)ばすらば 平日(かねてぃ)からすられ
明日(あちゃ)や出舟(いじふね)ぬ にゃ泣き別れ
十二．行こう行こうにすりば 後ろ面影(うもかげ)立ちゅり
居(を)ろゐろにすりば 義理ぬ立たぬ
十三．いとまごいと思(うも)て 差上(さしゅる)盃(さかづき)や
涙(なだ)にうそわれて とりやならぬ
十四．なつか声(くぅゐ)すりば 別れ苦(ぐる)しゃあすが
とてやあらさごい つかてたぼれ
十五．押(う)し出しゆる舟や 吉日(よしで)よしまれむい
うもちもれ主人様(しょしりゃ) 朝夕拝(あさゆをが)も
十六．後(あとぅ)見りば新風(みかぜ) 先見りば美島(みしま)
かしゃる吉旅(かをたび)や まれやあらむぃ
十七．旅ぬ出立(いじたち)ちた十日(とぅは)と思(うむぇ)ば二十日(はつか)
何日(いっが)島帰(しまむど)て 吾(わぁ)愛人(かな)見ゆる
十八．旅や浜宿り 草ぬ根(ねぃ)ど枕
何日(いてぃ)む変(かわ)らぬ 吾(わぁあ)玉黄金(たまくぅがねぃ)
十九．虎(とぅら)ぬ絵(ゐぃ)ば下ぎて 柳(やなぎ)葉(ば)ば生(い)きて
旅ぬ行き戻(むぅど)り 絹(いちゅ)ぬ上(うぃ)から
二十．舟(ふねぃ)出(い)じゃち三日(みきゃ)ぬ 雨風(あむぃかぜ)すらば
雨(むぃめ)や愛人(かな)目(むぃ)涙(なだ) 風(かぜ)や吾(わぁ)息(いき)
二一．長雨(ながむぃ)きりゃ明(がり)や 沖(うき)やとれどれと
沖やとれどれと 七(なな)島(しま)見ゆり
＊おぼこれ・・・・・ありがとうございました
大変お世話になりました