八月踊り唄HEADLINE
諸鈍長浜
歌詞 実際に歌われているのは、下記から抜粋されています。
一．諸鈍(しょどん)長浜(ながはま)や いきゃ長(なが)さあてぃむ
池地(いけじ)美浜(きゅらはま)ぬ 上(うぃ)やきりきりゃぬ
二．諸鈍(しょどん)長浜(ながはま)や 大和(やまと)がでぃ響(とゆ)む
諸鈍(しょどん)若娘(むぇらぶぇ)や 島(しま)じゅ響(とゆ)む
三．諸鈍(しょどん)若娘(むぇらぶぇ)ぬ いきゃ美(きゅら)さあてぃむ
吾(わぁ)島(しま)若娘(むぇらぶぇ)ぬ 上(うぃ)やきりゃぬ
四．諸鈍(しょどん)長浜(ながはま)に 打上(うちゃ)げ引きゅる波や
諸鈍(しょどん)若娘(むぇらぶぇ)ぬ 笑いはぐき
五．浦々(うらうら)ぬ深さ 諸鈍(しょどん)浦ぬ深さ
諸鈍(しょどん)若娘(むぇらぶぇ)ぬ 想(うむぇ)ぬ深さ
六．請(うけ)や浮上(うきゃぐぇ)げゆり 与路(ゆろ)や寄(ゆ)りゃがゆり
請与路(うけゆる)ぬ如に 踊(をど)てぃ遊(あすぃ)ぼ
七．山(さん)と与路島(ゆるじま)や 親(うや)のろや一つ
舟(ふねぃ)わりや居(を)てど 間切分(まぎりわ)かち
八．浮上(うきゃが)りもあらぬ 巻上(まきゃが)りもあらぬ
昔(けさ)ぬ親先祖(うやふじ)ぬ まねどｓちゃる
九．昔(けさ)ぬ親先祖(うやふじ)ぬ 島建てぬ悪さ
愛人(かな)が島吾(わぁ)島(しま) 間切(まぎ)りわかち
十．愛人(かな)が島吾(わぁ)島(しま) 島ぬ一(てぃ)ちありば
何故(のて)にこぬしのぎ 吾んなとぅりゅり
十一．愛人(かな)が島吾(わぁ)島(しま) 糸(いちゅ)綱(でぃな)ばかけて
うらきる時(とぅき)や 互(たげ)に逢(あを)や